အာဆီယံခေါင်းဆောင်များ မြန်မာကို အသက်ရှူပေါက် ပေးလိုက်

လာရီဂျေဂင်

သောကြာနေ့၊ ဧပြီလ ၀၉ ရက် ၂၀၁၀ ခုနှစ် ၂၃ နာရီ ၃၄ မိနစ် .

ဟနွိုင် (မဇ္ဈိမ)။ ။၂ဝ၁ဝရွေးကောက်ပွဲအတွက် နိုင်ငံတကာ အသိုင်းအဝိုင်းအကြား အငြင်းပွားဖွယ် ဖြစ်နေချိန်၌ အရှေ့တောင်အာရှနိုင်ငံခေါင်းဆောင်များက အမျိုးသားပြန်လည်သင့်မြတ်ရေး ပေါ်ပေါက်ရေးအတွက်“အားလုံးပါဝင်သည့်” ရွေးကောက်ပွဲကိုကျင်းပပါရန်မြန်မာစစ်အစိုးရကို တိုက်တွန်းလိုက်သည်။

အတိုက်အခံပါတီကြီးအမျိုးသားဒီမိုကရေစီအဖွဲ့ချုပ်ကမူရွေးကောက်ခံအရပ်သားအစိုးရပေါ်ပေါက်ရေးဟု လေသံပစ်ကာတကယ်တမ်းတွင်စစ်အစိုးရသက်ဆိုးရှည်ရေးကိုသာပြုလုပ်နေသည်ဟုရှုတ်ချပြောဆိုပြီး ရွေးကောက်ပွဲကို သပိတ်မှောက်သွားမည်ဟု ပြောကြားထားသည်။

ဗီယက်နမ်နိုင်ငံ ဟနွိုင်မြို့တွင်ကျင်းပသောအရှေ့တောင်အာရှနိုင်ငံများအသင်း-အာဆီယံနှစ်ပတ်လည် ထိပ်သီးအစည်းအဝေးအပြီးဥက္ကဋ္ဌ၏ကြေညာချက်ကိုသောကြာနေ့ကထုတ်ပြန်ရာတွင်သူတို့ ထုတ်ပြန်ထားသည့်`ဒီမိုကရေစီလမ်းပြမြေပုံ´အတိုင်းစွဲမြဲရပ်တည်ကာအားလုံးပါဝင်ပြီး လွတ်လပ်မျှတသည့်ရွေးကောက်ပွဲတရပ်ကျင်းပပေးရန်စစ်အစိုးရကိုတိုက်တွန်းတောင်းဆိုလိုက်ခြင်း ဖြစ်သည်။

`မြန်မာနိုင်ငံတည်ငြိမ်ရေးနဲ့ဖွံ့ဖြိုးတိုးတက်ရေးအတွက်အားလုံးပါဝင်ပြီးလွတ်လပ်မျှတတဲ့ ရွေးကောက်ပွဲတရပ်ကျင်းပရေးနဲ့အမျိုးသားပြန်လည်သင့်မြတ်ရေးရဲ့အရေးပါမှုကိုကျနော်တို့ မီးမောင်းထိုးပြလိုပါတယ်´ဟုအဆိုပါကြေညာချက်တွင် ဖော်ပြထားသည်။

`ရွေးကောက်ပွဲတွေမှာ သက်ဆိုင်သူတွေအားလုံး ပါဝင်ပြီး လွတ်လပ်ပြီး ဒီမိုကရေစီနည်းကျဖို့လိုပါတယ်´ ဟုဒေသဆိုင်ရာထိပ်သီးအစည်းအဝေးတွင်သဘာပတိဖြစ်သူဗီယက်နမ်ဝန်ကြီးချုပ်ငုယင်တန်ဒန်း (NguyenTanDung)ကအစည်းအဝေးအပြီးနောက်ဆုံးကျင်းပသောသတင်းစာရှင်းလင်းပွဲတွင် သတင်းထောက်များကိုပြောကြားခဲ့သည်။`ဒီလိုကျင်းပပေးခြင်းဖြင့်နိုင်ငံကိုတည်ငြိမ်စေလိမ့်မယ်၊ စီးပွားရေးဖွံ့ဖြိုးတိုးတက်မှုအတွက်အခြေခံတွေကိုဖန်တီးပေးလိမ့်မယ်´ဟုဗီယက်နမ်ဝန်ကြီးချုပ်က ဆက်လက်ပြောဆိုသည်။

ဤပြောဆိုချက်သည်အာဆီယံကြေညာချက်တွင်ဆယ်စုနှစ်တခုအတွင်းအပျော့ပျောင်းဆုံး ပြောဆိုလိုက်ခြင်းဖြစ်ပြီးNLDနှင့်ဒေါ်အောင်ဆန်းစုကြည်တို့ကိုရှောင်ရှားပြောဆိုထားသည်။

နိုင်ငံရေးပြဿနာများကြောင့်ထိပ်သီးအစည်းအဝေးသို့မတက်ရောက်နိုင်သည့်ထိုင်းဝန်ကြီးချုပ်Abhisit Vejjajiva၏အကြောင်းကထိပ်သီးအစည်းအဝေးအစီအစဉ်များကိုလွှမ်းမိုးအရိပ်ထိုးနေသဖြင့် မြန်မာနိုင်ငံအဖို့ နှိုင်းယှဉ်ချက်အားဖြင့် အထိမနာလှဘဲ ဖြစ်သွားသည်။

မြန်မာနိုင်ငံကိုရည်ညွှန်းပြောဆိုရာတွင်အပျော့ပျောင်းနိုင်သမျှအပျော့ပျောင်းဆုံးဖြစ်စေရေးအတွက် ဗီယက်နမ်နိုင်ငံက အထူးအားထုတ်ကြိုးပမ်းခဲ့သည်ဟုအမည်မဖော်လိုသူအာရှသံတမန်များ၏ အပြောအရ သိရသည်။ထိပ်သီးအစည်းအဝေးကြေညာချက်ကိုနောက်ဆုံးအတည်ပြုချမှတ်ခြင်းမပြုမီနိုင်ငံအားလုံးက သဘောတူညီရန်လိုအပ်သော်လည်းအလှည့်ကျဥက္ကဋ္ဌဖြစ်သူဗီယက်နမ်နိုင်ငံက လွှမ်းမိုးချုပ်ကိုင်ထားသည်။

`ဗီယက်နမ်နိုင်ငံကနိုင်ငံရေးကိုစိတ်မဝင်စားဘူး။မြန်မာနိုင်ငံကိုရင်းနှီးမြှုပ်နှံဖို့အခွင့်အလမ်းရှိတဲ့နေရာလို့ ရိုးရိုးလေးပဲ မြင်ပါတယ်´ဟုဗီယက်နမ်ထိပ်ပိုင်းခေါင်းဆောင်အသိုင်းအဝိုင်းကိုကောင်းစွာသိကျွမ်းသူ ဗီယက်နမ်သတင်းစာဆရာတဦးကပြောသည်။သို့သော်သူ့အတွက်အန္တရာယ်ကျရောက်မည်ကိုစိုးရွံ့သဖြင့် နာမည်မဖော်ဘဲပြောကြားခဲ့သည်။ယခုလိုဆက်ဆံရေးအသစ်ထူထောင်လိုက်ခြင်းကိုဖော်ပြနေသည့် အချက်တရပ်မှာဟနွိုင်နှင့်မော်လမြိုင်တိုက်ရိုက်လေကြောင်းလိုင်း ဖွင့်လှစ်လိုက်ခြင်း ဖြစ်သည်။

ထိပ်သီးအစည်းအဝေးမတိုင်မီတွင်ဗီယက်နမ်ဝန်ကြီးချုပ်မြန်မာနိုင်ငံသို့သွားရောက်လည်ပတ်ခဲ့ခြင်းမှာ သာမန်တိုက်ဆိုင်မှုတရပ်မဟုတ်ပါ။ဗီယက်နမ်နိုင်ငံသည်လည်းမြန်မာနိုင်ငံကိုတရုတ်နှင့်ခွာကာ ဝါရှင်တန်နှင့်ပြောင်းလဲဆက်ဆံရေးကန့်လန့်ကာနောက်ကွယ်မှပြောဆိုတိုက်တွန်းနေသည့်နိုင်ငံတနိုင်ငံ ဖြစ်သည်။

သို့သော်တချိန်တည်းတွင်စစ်အစိုးရ၏ပွင့်လင်းမြင်သာမရှိမှု၊ပြင်ပနိုင်ငံများသို့ဖွင့်ပေးလိုစိတ်မရှိမှုတို့အပေါ် ဒေသတွင်း ခေါင်းဆောင်များအကြား စိတ်ပျက်လက်ပျက်ဖြစ်မှုကိုဖော်ပြနေသည့်လက္ခဏာများကိုလည်း တွေ့မြင်နေရသည်။`မြန်မာဝန်ကြီးချုပ်သိန်းစိန်ကျနော်တို့ကိုပြောနိုင်တာရွေးကောက်ပွဲတွေ ဒီနှစ်လုပ်မယ်။ ရွေးကောက်ပွဲဥပဒေတွေ ကြေညာပြီးပြီ။ နိုင်ငံရေးပါတီတွေ မှတ်ပုံတင်နေကြပြီ။ ဒါပဲ ပြောတာ´ဟု အာဆီယံ အထွေထွေ အတွင်းရေးမှူးချုပ် ဆူရင်ပစ်ဆူဝမ် (Surin Pitsuwan) က မဇ္ဈိမကို ပြောသည်။

`ရွေးကောက်ပွဲကော်မရှင်က လိုအပ်တဲ့ ပြင်ဆင်မှုလုပ်ငန်းတွေ လုပ်ပြီးသွားရင် ရွေးကောက်ပွဲကျင်းပမယ့် နေ့ရက်ကို ကြေညာမယ်။ ဒါပဲ။ နောက်ထပ် ဘာအသေးစိတ် အချက်အလက်မှမသိရဘူး´ဟုပစ်ဆူဝမ်က ပြောသည်။သို့သော်အာဆီယံခေါင်းဆောင်များက စစ်အစိုးရ၏ ကိုယ်စားလှယ်နှစ်ဦးကိုသူတို့ရပ်တည်ချက၊် အနေအထားတို့နှင့်စပ်လျဉ်း၍အနေခက်လောက်အောင်မေးခွန်းများမေးမြန်းခြင်းရှိမရှိကိုမူ သူက ပြောဆိုသွားခြင်း မရှိပါ။

အာဆီယံခေါင်းဆောင်များသည်မြန်မာနိုင်ငံနှင့်ပတ်သက်၍အားမလိုအားမရဖြစ်လာနေသည်မှာမူ ထင်ရှားသည်။`မြန်မာနိုင်ငံနဲ့ ပတ်သက်လာရင် ကျနော်တို့စိတ်ရှည်ရမယ်´ဟုသူက ကောက်ချက်ချသည်။ သို့သော်ရွေးကောက်ပွဲမတိုင်ခင်စစ်အစိုးရအပေါ်သြဇာသက်ရောက်ရေးမျှော်လင့်ချက်ကိုမူအချို့သော အာရှနိုင်ငံများကလက်မလျှော့ကြသေးပါ။

ဒီမိုကရေစီစနစ်သို့ပြောင်းလဲရေးအတွက်လုပ်ဆောင်ရန်မှာမြန်မာနိုင်ငံအတွက်အရေးကြီးသည်ဟု အင်ဒိုနီးရှား နိုင်ငံခြားရေးဝန်ကြီး မာတီနာတာလီဂါဝါ (MartyNatalegawa)က ပြောသည်။`မြန်မာနိုင်ငံက ရွေးကောက်ပွဲအပေါ်နိုင်ငံတကာကယုံကြည်လက်ခံတာ၊အသိအမှတ်ပြုတာကိုကျနော်တို့ အလွန်တွေ့ချင်ပါတယ်´ဟုသူကမဇ္ဈိမကိုပြောသည်။အင်ဒိုနီးရှားနိုင်ငံကလည်းသူတို့ဘက်ကအကူအညီနှင့် အတွေ့အကြုံများကိုပေးအပ်ရန်ကမ်းလှမ်းထားပါသည်ဟုလည်းသူကပြောသည်။

သို့သော်စစ်အစိုးရအပေါ်သူတို့၏သြဇာအာဏာမှာတကယ်တမ်းအနည်းအကျဉ်းသာရှိသည်ဆိုသည်ကို အာဆီယံအဖွဲ့ကြီးကကောင်းစွာသိနားလည်ထားသည်။`ကျနော်တို့မှာမြန်မာနိုင်ငံကို အပြစ်ပေးအရေးယူနိုင်တဲ့အနေအထားမရှိပါဘူး´ဟုစင်္ကာပူနိုင်ငံခြားရေးဝန်ကြီး ဂျော့ခ်ျယိုး (George Yeo) ကထိပ်သီးအစည်းအဝေးတွင်သတင်းထောက်များကိုပြောသည်။ `တရုတ်နဲ့ အိန္ဒိယနိုင်ငံတို့က မြန်မာနိုင်ငံနဲ့ ဆက်ဆံနေသမျှ ကျနော်တို့ကလည်း ဆက်ဆံနေရမှာပါပဲ´ဟုသူကပြောသည်။

သို့သော်အာဆီယံအဖွဲ့ဝင်နိုင်ငံအများအပြားအထူးသဖြင့်အင်ဒိုနီးရှား၊စင်္ကာပူနှင့်ထိုင်းနိုင်ငံတို့က စစ်အစိုးရကိုသူတို့ကတိပြုထားသည့်နိုင်ငံတကာကလက်ခံနိုင်သည့်ရွေးကောက်ပွဲ ကျင်းပပေးပါမည်ဟူသောကတိကို ဆက်လက်သတိပေး ပြောကြားနေကြသည်။

`လာမယ့်လတွေဟာမြန်မာနိုင်ငံအတွက် အရေးပါတဲ့လတွေ ဖြစ်ပါလိမ့်မယ်။ အဆုံးမှာတော့ မြန်မာနိုင်ငံမှာ ဘာတွေ ဖြစ်လာမလဲဆိုတာကို မြန်မာပြည်သူတွေကပဲ ဆုံးဖြတ်လုပ်ကိုင်ရမှာ ဖြစ်ပါတယ်။ ကျနော်တို့က အပြင်လူတွေပါ။ တိုးတက်မှုတွေ အလျင်အမြန် ဖြစ်ပေါ်လာအောင် သူတို့ လုပ်ဆောင်လိမ့်မယ်လို့ ကျနော်တို့ မျှော်လင့်ပါတယ်´ ဟု ယိုးက ဆက်လက်ပြောဆိုခဲ့သည်။