မင်းသား အင်္ဂါနေ့၊ ဇွန်လ ၁၅ ရက် ၂၀၁၀ ခုနှစ် ၁၃ နာရီ ၂၆ မိနစ် .
ကမ္ဘာ့ဖလား အုပ်စုတွင်း ဘောလုံးပွဲတွေထဲမှာ အာရှသားတွေ တာထွက်ကောင်းတယ်လို့ ပြောရပါလိမ့်မယ်။
မနေ့တုန်းက ဒုတိယပွဲဖြစ်တဲ့ အုပ်စု (အီး) ဂျပန်-ကင်မရွန်း ပွဲစဉ်မှာ ဂျပန်က တဂိုး ဂိုးမရှိနဲ့ အနိုင်ကစားကာ အဖိုးတန် ၃ မှတ် ရလိုက်ပါတယ်။ ပြီးခဲ့တဲ့ ၁၂ ရက်နေ့တုန်းကအုပ်စု(ဘီ)ပွဲစဉ်တရပ်မှာ တောင်ကိုရီးယားက ဂရိစ်ကို ၂ ဂိုး ဂိုးမရှိ အနိုင်ကစားခဲ့ပါသေးတယ်။ဒါကြောင့်လည်း၂ဝ၁ဝကမ္ဘာ့ဖလားပွဲမှာအာရှသား၃ နိုင်ငံအနက် ၂ နိုင်ငံကတော့ တာထွက်ကောင်းခဲ့ပြီလို့ ဆိုနိုင်ပါတယ်။နောက်တနိုင်ငံကတော့အုပ်စု(ဂျီ) ထဲက မြောက်ကိုရီးယားဖြစ်ပြီး ဒီကနေ့ကျမှ ကမ္ဘာ့အဆင့် (၁) ဘရာဇီးနဲ့ ယှဉ်ရပါလိမ့်မယ်။
မကြာသေးခင်ကအာရှဇုန်အတွင်းယှဉ်ပြိုင်ပြီးနောက်၂ဝ၁ဝကမ္ဘာ့ဖလားပွဲဝင်ရောက်ခွင့်ရခဲ့တဲ့ သြစတြေးလျ (အုပ်စု-ဒီ)ကတော့ဒီလ၁၃ရက်နေ့တုန်းကဂျာမဏီနဲ့ ကစားရာမှာ၎ဂိုး ဂိုးမရှိနဲ့ ရှုံးနိမ့်ခဲ့ပါတယ်။
မနေ့ကကင်မရွန်း-ဂျပန်ပွဲဟာတွန်းတွန်းတိုက်တိုက်ကစားသွားခဲ့ကြအပြီး၊အဆုံးမှာတော့ဂျပန်အသင်းဟာ ရှေ့က အာရှသားတောင်ကိုရီးယားရဲ့ခြေရာနောက်လိုက်ခဲ့တာပါ။ကင်မရွန်း-ဂျပန်၂သင်းစလုံးဟာ ခြေစွမ်းတွေ မကွာပေမယ့်ကံကြမ္မာရဲ့ဖေးမမှုကိုရရှိခဲ့တဲ့ဂျပန်ကြောင့်အစောပိုင်းတုန်းကဒီအုပ်စု(အီး)မှာ ကင်မရွန်းနဲ့ ဒိန်းမတ်သာ အုပ်စုဒုတိယ လုကြရလိမ့်မယ်ဆိုတဲ့ အမြင်တွေကိုပါ ပြောင်းလဲသွားစေခဲ့ပါတယ်။
ဒါ့အပြင်မနေ့တုန်းက ကစားခဲ့တဲ့ပွဲတွေအကြောင်းပြောရမယ်ဆိုရင်အသင်းကြီးတွေအခြေအနေ ကောင်းတာလည်း တွေ့ခဲ့ရပါတယ်။
အစောဆုံး ကစားခဲ့တဲ့ နယ်သာလန်-ဒိန်းမတ်ပွဲကို ပြန်ပြောင်းကြည့်ရင် ဒီအုပ်စုမှာ အုပ်စုဗိုလ်ဖြစ်မယ်လို့ ရေပန်းစားနေတဲ့ နယ်သာလန်ကပဲ အချိန်အတော်များများ ဖိကစားသွားနိုင်ခဲ့ပါတယ်။ ဒါပေမဲ့ ကွင်းလယ်မှာ အချိန်ကုန်နေတာကလည်း ခပ်များများ တွေ့ခဲ့ရပါသေးတယ်။ ဒိန်းမတ်အသင်းရဲ့ တန်ပြန်တိုက်စစ်တွေသာ ဂိုးအဖြစ် ပြောင်းနိုင်ခဲ့ရင် နယ်သာလန် ရှုံးနိမ့်သွားနိုင်ပါတယ်။ နယ်သာလန်မှာ ဒုတိယပိုင်း လူစားဝင်လာတဲ့ အီလီယာဆိုတဲ့ လူငယ်ကစားသမားလေး ခြေစွမ်းပြသွားတာ သတိထားမိစရာပါပဲ။ ပွဲအဆုံးမှာတော့ နာမည်ကြီး နယ်သာလန်ကပဲ ဒိန်းမတ်ကို ၂ ဂိုး ဂိုးမရှိနဲ့ အနိုင်ကစားကာ ၃ မှတ်ရယူပြီး အုပ်စုတက်ဖို့ အလားအလာ ကောင်းသွားပါပြီ။
နောက်ဆုံးကစားခဲ့တဲ့အီတလီ-ပါရာဂွေးပွဲကတော့ကြိုတင်ခန်မှန်းမိတဲ့အတိုင်းတဂိုးစီသရေကျပြီး၁မှတ်စီ ခွဲယူသွားခဲ့ပါတယ်။အီတလီဟာ၂ဝဝ၆ကမ္ဘာ့ဖလားတုန်းကတအိအိတက်သွားပြီးနောက်ဆုံးမှာတော့ ချန်ပီယံတောင်ဖြစ်သွားခဲ့တာပါ။ဒါကြောင့်ကမ္ဘာ့ဖလားကြောနပ်နေတဲ့အီတလီကို စောင့်ကြည့်ကြရဦးးမှာပါ။
ပွဲကြိုသုံးသပ်ချက်
ဒီကနေ့ (အင်္ဂါနေ့) မှာ ကန်မယ့် ပွဲတွေထဲက ပေါ်တူဂီ-အိုင်ဗရီကိုစ် ပွဲကို ကြိုတင်ရင်ခုန်ကြည့်ရအောင်ပါ။
ဘရာဇီးပါနေတဲ့ အုပ်စုကျပ်(ဂျီ)မှာဒီနေ့ကစားမယ့်၂သင်းကတသင်းသင်း အုပ်စုတက်နိုင်တာမို့ ဒီ၂သင်း ကစားမယ့်ပွဲက အကြိတ်အနယ်ရှိမှာ မြေကြီးလက်ခတ်မလွဲပါပဲ။
အိုင်ဗရီကိုစ်အတွက် ထိုးနှက်ခံထားရတာ တခုကတော့ တိုက်စစ်မှူး ဒရော့ဘာ ပါဝင်ကစားဖို့ မသေချာတာပါပဲ။
၂ သင်းစလုံး ကစားခဲ့တဲ့ နောက်ဆုံးခြေစမ်းပွဲ ရလဒ်တွေကြည့်ရင်တော့ ၂ သင်းစလုံး အားရစရာ မရှိပါဘူး။ အိုင်ဗရီကိုစ်က တောင်ကိုရီးယားကို ရှုံးထားသလို၊ ပေါ်တူဂီကလည်း ကိတ်ဗာဒီ လို မထင်မရှား အသင်းလေးကို ရှုံးခဲ့တာ တွေ့ရပါတယ်။
ဘောလုံးသမားစုဖွဲ့မှုအပိုင်းကိုကြည့်ရင်တော့မကွာလှပါဘူး။ပေါ်တူဂီမှာစီရော်နယ်ဒို၊ဒေကို၊ ဒန်နီဆီမာအိုတို့ ရှိနေသလို၊အိုင်ဗရီကိုစ်မှာလည်းကာလူးနဲ့တိုရေးတို့ညီနောင်ရှိနေပါတယ်။ဒီ၂သင်းမာကျောမှုယှဉ်ရင် အိုင်ဗရီကိုစ်က ပိုမာကျောပါတယ်။
ကမ္ဘာ့ဖလားမှာ ရေပန်းစားမှုတွေ၊ ကမ္ဘာ့အဆင့် သတ်မှတ်ချက်တွေ မကြည့်ဘဲ ပြောမယ်ဆိုရင် အိုင်ဗရီကိုစ် မရှုံးနိုင်ပါဘူး။
ဘွတ်ကင်ဒိုင်တွေကတော့ ပေါ်တူဂီဘက် အလေးသာကြောင်းပါ။
Geen opmerkingen:
Een reactie posten