ရဲရင့်/၀၄ဇွန်၂၀၁၀
စွန့်ပစ်ပစ္စည်းများမှလူသုံးကုန်အဖြစ်ပြောင်းလဲထုတ်လုပ်သည့်လုပ်ငန်းစဉ်တရပ်ကိုမဲဆောက်ရှိ မြန်မာရွှေ့ပြောင်း အထက်တန်းကျောင်း(SAW)တွင် အကောင်ထည်ဖော် လုပ်ကိုင်လျက်ရှိသည်။
သဘာဝပတ်ဝန်းကျင်ထိန်းသိမ်းရခြင်း၏တန်ဖိုးကိုသိရှိနိုင်ရန်ရည်ရွယ်၍အလဟဿဖြစ်မည့် စွန့်ပစ်ပစ္စည်းများမှလူ့အသုံးချပစ္စည်းများအဖြစ်ပြောင်းလဲထုတ်လုပ်ခြင်းလုပ်ငန်းကို ကျောင်းသားလူငယ်များအားသင်ကြားပေးခြင်းဖြစ်ကြောင်းSAWကျောင်းမှ ဆရာဦးထိန်ဝင်းက ပြောသည်။
၎င်းက“ဒီစွန့်ပစ်ပစ္စည်းတွေမြေကြီးထဲရောက်သွားရင်လည်းသဘာဝပတ်ဝန်းကျင် ထိခိုက်ပျက်စီးမှုတွေပဲဖြစ်မယ်၊ဒါကြောင့်ဒီပစ္စည်းတွေကိုအသုံးပြုပြီးကလေးတွေအနေနဲ့ အနုပညာလေးတွေ ဖန်တီးစေချင်တယ်။လူတွေအသုံးပြုလို့ရတဲ့ပစ္စည်းတွေလည်းဖန်တီးစေချင်တယ်။ အနုပညာနဲ့အလုပ်အကိုင်တခုခုကို တီထွင်စေလိုတဲ့အတွက် ဒီလုပ်ငန်းစဉ်ကို ပြုလုပ်ရတာဖြစ်တယ်။ ဒါတွေကိုလုပ်ကိုင်ရင်းနဲ့ကလေးတွေဟာသဘာဝပတ်ဝန်းကျင်ထိန်းသိမ်းရေးနဲ့ပတ်သက်ပြီး အဆိုးအကောင်းကို ခွဲခြားသိမြင်လာမှာဖြစ်တယ်” ဟု ပြောသည်။
သဘာဝပတ်ဝန်းကျင် တနေ့တခြား ယိုယွင်းပျက်စီးလာမှုများကြောင့် ရာသီဥတုများ ဖောက်ပြန်ကာ ကမ္ဘာကြီးတွင် သဘာဝဘေးအန္တရာယ်များ ကျရောက်လျက်ရှိကြောင်း၊ ယင်းသို့ဖြစ်ရခြင်းမှာ လူများ သဘာဝပတ်ဝန်းကျင် ထိန်းသိမ်းမှု လုပ်ငန်းစဉ်များတွင် ပူးပေါင်းပါဝင်မှု အားနည်းခြင်းကြောင့်ဖြစ်ကြောင်း ဆရာဦးထိန်ဝင်းက ပြောသည်။
“ဒါကြောင့်ကလေးတွေကိုသဘာဝပတ်ဝန်းကျင်တောတောင်ရေမြေနဲ့ကမ္ဘာမြေရဲ့တန်ဖိုးကို သိရှိနားလည်ပြီး ကမ္ဘာမြေစိမ်းလမ်းစိုပြေရေးအတွက်ပူးပေါင်းပါဝင်မှုတွေလုပ်ဆောင်လာနိုင်ဖို့၊သူတို့ကို ဒီအရွယ်ကတည်းကနေ ပညာပေးရေး လုပ်ငန်းစဉ်တွေ ချမှတ်ပေးတာဖြစ်တယ်” ဟု ၎င်းက ပြောသည်။
စွန့်ပစ်ပစ္စည်းများမှ ကလေးများပြုလုပ်သည့် လူသုံးကုန်ပစ္စည်း အရောင်းပြပွဲတရပ်ကိုလည်း SAW ကျောင်းတွင် ယနေ့နံနက်ပိုင်း၌ ပြုလုပ်ခဲ့ပြီး အလှဆင်ပစ္စည်းမျိုးစုံ၊ ပန်းဆိုင်း၊ မီးအုပ်ဆောင်း၊ ကြက်တောင်၊ ပန်ကာဒလက်၊ရေခွက်မျိုးစုံ၊ပန်းကန်များ၊ကလေးကစားစရာများအပါအ၀င်ပစ္စည်း(၁၅)မျိုးခန့်ရှိပြီး တခုချင်းစီ၏တန်ဖိုးမှာထိုင်းဘတ်ငွေ(၂၀)မှဘတ်(၂၀၀)အထိဖြစ်သည်။
ရောင်းချ၍ရသည့်ငွေများကို ပစ္စည်းထုတ်လုပ်သည့် ကျောင်းသားကျောင်းသူများကို အချိုးကျ ပြန်လည်ခွဲဝေပေးမည်ဟု ကျောင်းတာဝန်ရှိသူများက ပြောသည်။
(၈)တန်းကျောင်းသူမမေစနိုးက“သမီးတို့ဒီလိုလုပ်ခြင်းအားဖြင့်သဘာဝပတ်ဝန်းကျင်ထိန်းသိမ်းရာရောက်ပြီး လူတွေရဲ့ကျန်းမာရေးထိခိုက်မှုတွေကိုလည်းသက်သာစေမှာဖြစ်ပါတယ်။သဘာဝပတ်ဝန်းကျင် ထိန်းသိမ်းရေးရဲ့အရေးပါပုံတွေကိုရပ်ကွက်ထဲပြန်ရောက်ရင်လည်းသမီးတို့သိထားတာတွေကို လက်ဆင့်ကမ်းဖြန့်ဝေသွားမယ်”ဟုပြောသည်။
ယနေ့ပြုလုပ်သည့်ဈေးရောင်းပွဲသည်မနက်ဖြန်တွင်ကျရောက်မည့်နိုင်ငံတကာသဘာဝပတ်ဝန်းကျင် ထိန်းသိမ်းရေးနေ့အကြိုအဖြစ်SAWကျောင်းမှကမကထပြုကျင်းပခြင်းဖြစ်ပြီးအခြားကျန်ရှိသည့် ကျောင်းများနှင့်အစိုးရမဟုတ်သည့် သဘာဝပတ်ဝန်းကျင် ထိန်းသိမ်းရေး အဖွဲ့အစည်းများက မနက်ဖြန်တွင် ထိုင်း-မြန်မာ နယ်တလျှောက်၌ ကျင်းပပြုလုပ်ကြမည် ဖြစ်သည်။
ဇွန်လ(၅)ရက်နေ့ကိုနိုင်ငံတကာသဘာဝပတ်ဝန်းကျင်ထိန်းသိမ်းရေးနေ့အဖြစ်၁၉၇၂ခုနှစ်မှစတင်ကာ ကမ္ဘာ့ကုလသမဂ္ဂက တရားဝင်သတ်မှတ်ပေးခဲ့သည်။
Geen opmerkingen:
Een reactie posten