မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

dinsdag 8 juni 2010

တခါသုံးဖုန်းကဒ်များရောင်းအားထက်ဝက်ခန့်ကျဆင်း

ဆလိုင်း ဟံသာစန်း
အင်္ဂါနေ့၊ဇွန်လ၀၈ရက်၂၀၁၀ခုနှစ်၁၄နာရီ၃၅မိနစ် .
နယူးဒေလီ(မဇ္ဈိမ)။ ။တခါသုံးဖုန်းကဒ်များကိုဝယ်ယူပါကမှတ်ပုံတင်မိတ္တူပါတောင်းခံခဲ့သည့်ယခုနှစ် မေလဆန်းပိုင်းမှ စတင်ကာ ဖုန်းကဒ်ရောင်းအား ထက်ဝက်ခန့် ကျဆင်းသွားကြောင်း ရန်ကုန်တိုင်းရှိ ဖုန်းကဒ် အရောင်းဆိုင်များ အဆိုအရ သိရသည်။
ဖုန်းကဒ်ဝယ်ရန်မှတ်ပုံတင်မိတ္တူပေးရခြင်းမရှိသည့် သင်္ကြန်မတိုင်ခင်ကာလ ရောင်းအားထက် ထက်ဝက်ခန့် ကျဆင်းသွားကြောင်း ရန်ကုန်မြို့ရှိ ဖုန်းကဒ်အရောင်းဆိုင်များက တညီတညွတ်တည်း ပြောဆိုကြခြင်း ဖြစ်သည်။
“မှတ်ပုံတင်မိတ္တူတောင်းတဲ့နောက်ပိုင်းရောင်းအားတဝက်လောက်ကျသွားတယ်။သင်္ကြန်မတိုင်ခင်က တနေ့ကိုကဒ်၃ဝဝနီးပါးရောင်းရတယ်။အခု၁၅ဝလောက်ပဲရောင်းရတော့တယ်”ဟုရန်ကုန်တိုင်း တာမွေမြို့နယ်မှ ဖုန်းကဒ် အရောင်းဆိုင် မန်နေဂျာတဦးက မဇ္ဈိမကို ပြောသည်။
မရမ်းကုန်းမြို့နယ်ရှိ ဖုန်းကဒ်အရောင်းဆိုင် ဝန်ထမ်းတဦးကလည်း “အစပိုင်းတုန်းက ဝယ်သူကို မှတ်ပုံတင်မိတ္တူမပေးရင် ရောင်းလို့မဖြစ်ဘူးလို့ ပြောလိုက်တော့ ပြန်ယူဦးမယ်ဆိုပြီး ပေါ်မလာတော့ဘူး။ အဲလိုတွေ များတယ်။ အခုတော့ သိကုန်ကြတော့ မိတ္တူတွေ ယူလာကြပါတယ်။ အရောင်းတော့ တဝက်လောက် ကျသွားတယ်” ဟု ပြောသည်။
ရန်ကုန်မြို့ကန်တော်ကြီးရှိX2Oမဏ္ဍပ်တွင် ယခုနှစ် ဧပြီလ ၁၅ ရက်နေ့က ဖြစ်ပွားခဲ့သည့် ဗုံးပေါက်ကွဲမှုတွင် မိုဘိုင်းဖုန်း အသုံးပြုသည်ဟု ရဲချုပ်ခင်ရီက ပြီးခဲ့သည့်လဆန်းပိုင်းတွင် နေပြည်တော်၌ ကျင်းပခဲ့သည့် သတင်းစာရှင်းလင်းပွဲအတွင်း ပြောကြားခဲ့ပြီးနောက်ပိုင်း ဖုန်းကဒ်ဝယ်ယူသူများ၏ မှတ်ပုံတင်မိတ္တူ တောင်းခံလာခြင်း ဖြစ်သည်။
“မိတ္တူကို Central Marketing ကုမ္ပဏီက တောင်းခိုင်းတာပါ။ အဲဒါတွေကို ကုမ္ပဏီကို ပြန်သွင်းရပါတယ်။ သူတို့ကတဆင့်မြန်မာ့ဆက်သွယ်ရေးကိုထပ်တင်ရတာပေါ့”ဟုလသာမြို့နယ်မှဖုန်းကဒ် အရောင်းဆိုင်မန်နေဂျာက ပြောသည်။
ဝ၉ နှင့်စတင်ကာဂဏန်း၉လုံးပါဝင်သည့်FEC၁ဝတန်၊၂ဝတန်နှင့်၅ဝတန်တခါသုံး ဖုန်းကဒ်များကို ထူးထရေးဒင်းကုမ္ပဏီ၏ကုမ္ပဏီခွဲဖြစ်သောCentralMarketingCo.,Ltdက တဦးတည်း ကိုယ်စားလှယ်အဖြစ် ရောင်းချခွင့် ရရှိထားသည်။
FEC၁ဝတန်နှင့်၂ဝတန်ဖုန်းကဒ်ကိုGSMဖုန်းဟန်းဆက်တွင်ထည့်သွင်းအသုံးပြုနိုင်သည်။၁ဝ တန်ကဒ်အတွက် အသုံးပြုရန် သတ်မှတ်ချိန်မှာ၁၄ရက်ဖြစ်ပြီး၊၂ဝတန်ကဒ်မှာ၁လအသုံးပြုနိုင်သည်။
အရောင်းဆိုင်များတွင် ၁ဝ တန်ဖုန်းကဒ်ကို ကျပ် ၁၅ဝဝဝ ဖြင့်လည်းကောင်း ၂ဝ တန် ဖုန်းကဒ်ကို FEC ဈေးအတက်အကျအပေါ် မူတည်၍ ကျပ် ၂ဝဝဝဝ မှ ၂၂ဝဝဝ ဈေးနှုန်းဖြင့်လည်းကောင်း ဝယ်ယူနိုင်သည်။
FEC၅ဝတန်ဖုန်းကဒ်မှာကမ်းရိုးတန်းဖုန်း(ခေါ်)CDMA450မဂ္ဂါဟဇ်ဟန်းဆက်တွင် ထည့်သွင်း အသုံးပြုနိုင်ပြီး အသုံးပြုရန်သတ်မှတ်ချိန်မှာ၂ လဖြစ်သည်။ယင်းဖုန်းကဒ်ကို ကျပ်ငွေ ၅ဝဝဝဝ မှ ၅၅ဝဝဝ ကြားဈေးနှုန်းဖြင့် ဝယ်ယူနိုင်သည်။
FEC၂ဝတန်ကို၂ဝဝ၈ခုနှစ်ဒီဇင်ဘာလ၊FEC၅ဝတန်မှာ၂ဝဝ၉ခုနှစ်ဇွန်လတွင်ဈေးကွက်သို့ စတင်ဝင်ရောက်လာခဲ့သည်။

Geen opmerkingen: