မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

zaterdag 2 juli 2011

ရှမ်းပြည်ရှိစစ်တပ်အတွက်သိမ်းမြေများလျော်ကြေးပေး

ဟိန်းသူ Saturday, 02 July 2011 12:26
.ရှမ်းပြည်တောင်ပိုင်းခိုလမ်မြို့နယ်ခွဲတွင်စစ်တပ်အတွက်မြေဧကရာချီသိမ်းခဲ့သည့်ကိစ္စကိုသက်ဆိုင်ရာက ပြန်လည်ဖြေရှင်းပေးသည့်အတွက်မြေသိမ်းခံဒေသခံများနှင့်ပြေလည်မှုရရှိသွားပြီဖြစ်သည်။
အရှေ့အလယ်ပိုင်းတိုင်းစစ်ဌာနချုပ်တည်ဆောက်ရန်အတွက်မြေဧက၁၀၀ကျော်အသိမ်းခံခဲ့ရသည့် ခိုလမ်ဒေသမြေပုံ(ဓာတ်ပုံ-သျှမ်းသံတော်ဆင့်)
“ရွာသားတွေကိုပိုက်ဆံနဲ့မြေကွက်အစားပြန်ပေးတယ်။အပြည့်အ၀ပေးတာတော့မဟုတ်ဘူး။ဒါပေမယ့် ရွာသားတွေကတော့ကျေနပ်တယ်လို့ပြောပါတယ်”ဟုအဆိုပါအမှုအားလိုက်လံဆောင်ရွက်ပေးနေသူ စိုင်းသူရိန်ဦးက ပြောသည်။
အရှေ့အလယ်ပိုင်းတိုင်းစစ်ဌာနချုပ်တည်ဆောက်ရန်အတွက်တောင်ကြီးနှင့်ကျိုင်းတုံဒေသအကြား ခိုလမ်မြို့နယ်ခွဲရှိမြေဧက၁၀၀ကျော်ကိုမြေပိုင်ရှင်၄၀ခန့်ထံမှပြီးခဲ့သည့်ဧပြီလကသိမ်းခဲ့ခြင်းဖြစ်သည်။
ထိုအထဲမှလက်မှတ်ထိုးပေးလိုက်သူများရှိသော်လည်းမကျေနပ်သည့်ရွာသား၇ဦးကရှမ်းပြည်နယ် ၀န်ကြီးချုပ်ထံတိုင်တန်းခဲ့ကြသည်။
တိုင်တန်းသည့်ရွာသား၇ဦးအပါအ၀င်လက်မှတ်မထိုးပေးသောမြေပိုင်ရှင်များကိုသိမ်းယူထားသည့်မြေ၏ ထက်ဝက်အတွက်အခြားနေရာမှမြေအစားပြန်ပေးကြောင်း၊ကျန်သိမ်းယူမြေအတွက်တဧကလျှင်ကျပ် တသိန်းခွဲနှုန်းဖြင့်လျော်ကြေးပေးကြောင်းသိရသည်။
ခိုလမ်မြို့နယ်အုပ်ချုပ်ရေးမှူးကမြေစာရင်းဦးစီးဌာနနှင့်ညှိနှိုင်းကာမြေကွက်များကိုပြန်လည် နေရာချထားပေးခဲ့ ခြင်းဖြစ်သည်။
“မြို့ထဲမှာတော့မဟုတ်ဘူး။အဓိကကတော့ခြံလုပ်ငန်းပြန်လုပ်လို့ရတဲ့နေရာမျိုးပြန်ရတဲ့အတွက်ကျေနပ်လိုက်တာပါ”ဟု ခိုလမ်ရွာသားတဦးကပြောသည်။
မြေသိမ်းစဉ်ကလက်မှတ်ထိုးပေးလိုက်သောမြေပိုင်ရှင်၁၃ဦးထဲမှတချို့မှာသိမ်းယူခံမြေတဧကအတွက် ကျပ် တသိန်းခွဲလျော်ကြေးငွေရရှိသော်လည်းတချို့မှာလျော်ကြေးငွေမရရှိဘဲပေ၄၀x၆၀မြေကွက်များသာ အစားထိုး ရရှိကြောင်း၊ ထိုသို့သိမ်းယူထားသည့်မြေများထဲတွင်ကျပ်သိန်း၅၀၀ကျော်ပေါက်ဈေးရှိသည့် လိမ္မော်ခြံများလည်း ပါဝင်သည်ဟု သိရသည်။
လက်မှတ်ထိုးပြီးသူများကိုအခြားသူများနည်းတူလျော်ကြေးထပ်ပေးခြင်းမရှိကြောင်း၊ယခုအချိန်ထိ အပြီးသတ်လျော်ကြေးမရသေးသူအနည်းငယ်ကျန်သေးကြောင်းလိုက်လံဆောင်ရွက်ပေးနေသူ စိုင်းသူရိန်ဦးက ပြောသည်။

Geen opmerkingen: