မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

vrijdag 15 juli 2011

NLDရပ်တည်ခွင့်ကုလသမဂ္ဂသို့တင်ပြမည်

ထွန်းထွန်း သောကြာနေ့၊ ဇူလိုင်လ ၁၅ ရက် ၂၀၁၁ ခုနှစ် ၁၉ နာရီ ၀၈ မိနစ် .
နယူးဒေလီ(မဇ္ဈိမ)။ ။ပါတီပျက်ပြယ်ပြီးဖြစ်ကြောင်းသမ္မတဦးသိန်းစိန်အစိုးရကသတိပေးထားသော အတိုက်အခံပါတီကြီးအမျိုးသားဒီမိုကရေစီအဖွဲ့ချုပ်က၎င်းတို့ရပ်တည်ခွင့်အတွက်ကုလသမဂ္ဂ လူ့အခွင့်အရေးကောင်စီသို့ မကြာခင် တင်ပြသွားမည်ဟု ဆိုသည်။
အပြည်ပြည်ဆိုင်ရာလူ့အခွင့်အရေးကြေညာစာတမ်း၌လွတ်လပ်စွာအသင်းအပင်းတည်ထောင်ခွင့်၊ စည်းရုံးခွင့်ကိုပြဋ္ဌာန်းထားသော်လည်းလက်ရှိအစိုးရကNLDရပ်တည်ခွင့်အတွက်ဥပဒေကြောင်းအရ ဖိနှိပ်ချုပ်ချယ်နေသဖြင့်ကုလလူ့အခွင့်အရေးကောင်စီသို့လာမည့်ရက်သတ္တပတ်၂ပတ်အတွင်းတင်ပြရန် စီစဉ်နေခြင်း ဖြစ်သည်။
“လူ့အခွင့်အရေးလုပ်ထုံးလုပ်နည်းတွေမှာပါတယ်။လူ့အခွင့်အရေးချိုးဖောက်ခံရတာတွေကိုနိုင်ငံတခုရဲ့အတွင်းမှာ ဖြေရှင်းလို့လမ်းဆုံးသွားတယ်၊မရနိုင်တော့ဘူးဆိုရင်အဲဒီလိုတင်နိုင်တယ်လို့ ပါပါတယ်။အဲဒါကြောင့်ပါ”ဟုNLDပြောခွင့်ရ ရှေ့နေကြီးဦးဉာဏ်ဝင်းကမဇ္ဈိမကိုရှင်းပြသည်။

သမ္မတဦးသိန်းစိန်အစိုးရကပါတီပျက်ပြယ်ပြီးဖြစ်ကြောင်းသတိပေးထားသည်ကိုNLDအဖွဲ့ချုပ်က၎င်းတို့ ရပ်တည်ခွင့်အတွက်ကုလသမဂ္ဂလူ့အခွင့်အရေးကောင်စီသို့တင်ပြမည်(ဓါတ်ပုံမဇ္ဈိမ)
ပါတီမှတ်ပုံခြင်းမပြုတော့သဖြင့်NLDသည်ပါတီတရားဝင်မှုပျက်ပြယ်ကြောင်းရွေးကောက်ပွဲကော်မရှင်က၂ဝ၁ဝစက်တင်ဘာ၁၄ရက်တွင်ကြေညာခဲ့သည်။ထို့ကြောင့်NLDကပါတီရပ်တည်ခွင့်အတွက်ဥပဒေကြောင်းလမ်း အရ တရားရုံးတော်သို့ဦးတိုက် လျှောက်ထား ခဲ့ပြီးနောက် နောက်ဆုံးအဆင့် အယူခံကို နေပြည်တော် တရားရုံးချုပ်သို့ တင်သွင်းခဲ့သော်လည်း ပလပ်ခံခဲ့ရသည်။
၁၉၉ဝရွေးကောက်ပွဲအနိုင်ရလွှတ်တော်အမတ်များ၏ရပိုင်ခွင့်၊စစ်အစိုးရကတိပေးထားသည့်လွှတ်တော်
ခေါ်ယူရေးအကောင်အထည်မဖော်ခြင်းများသည်လူ့အခွင့်အရေးချိုးဖောက်မှုဟုပါတီဘက်က တင်ပြခဲ့သည်။
ဦးသိန်းစိန်အစိုးရရက်ပေါင်း၁ဝဝမပြည့်မီမှာပင်ပြည်ထဲရေးဝန်ကြီးဌာနကNLDပျက်ပြယ်ကြောင်းနှင့်နိုင်ငံရေးလှုပ်ရှားမှုမလုပ်ရန်သတိပေးစာကြောင့်ပါတီကိုအင်အားသုံး ဖြိုခွင်းတော့မှာလားဟူသော စိုးရိမ်မကင်း ဖြစ်လာခဲ့ကြသည်။
လက်ရှိအခြေခံဥပဒေအရဥပဒေပြုပိုင်ခွင့်ရှိသောလွှတ်တော်မှသာလျှင် နိုင်ငံရေးပါတီများနှင့် စပ်လျဉ်းသည့် ဥပဒေ ပြဋ္ဌာန်းနိုင်၍ “အဖွဲ့ချုပ်သည် ပျက်ပြယ်ခြင်းမရှိပါ”ဟု ဒေါ်အောင်ဆန်းစုကြည် လက်မှတ်ရေးထိုးသည့်
ပြန်စာကို ပို့လိုက်ပြီး၊ ပြည်ထဲရေးဝန်ကြီးနှင့် ဆွေးနွေးလိုပါသည်ဟုလည်း တောင်းဆိုခဲ့သည်။
မြန်မာနိုင်ငံတွင်ဒီမိုကရေစီပြုပြင်ပြောင်းလဲမှုအတွက်ကုလသမဂ္ဂ၏အခန်းကဏ္ဍကိုအားမရသူ၊ သဘောထား
ပြင်းထန်သူအချို့ကလူ့အခွင့်အရေးကောင်စီသို့တင်ပြမည့်NLD၏လုပ်ရပ်ကို ဝေဖန်သံထွက်လာသော်လည်းထိုင်းအခြေစိုက်မြန်မာနိုင်ငံရှေ့နေများကောင်စီBLCကတော့ ထောက်ခံသည်။
“လက်ခံတယ်ဆိုရင်NLDကိုပြည်တွင်းဥပဒေတွေအရမှတ်ပုံတင်ခွင့်မရအောင်လုပ်ခြင်းဟာအပြည်ပြည် ဆိုင်ရာဥပဒေနဲ့မညီညွတ်ဘူးလို့ဆိုတဲ့ဆုံးဖြတ်ချက်မျိုးတွေချပေးနိုင်ပါတယ်။အဲဒီလိုသတ်မှတ်လိုက်ရင် မြန်မာနိုင်ငံကလွှတ်တော်ကလည်းပဲမျက်စိမှိတ်ပြီးငြင်းလို့မရဘူးဆိုတဲ့အနေအထားမျိုးကိုရောက်လာမှာ” ဟု BLCဥက္ကဋ္ဌဦးသိန်းဦးကမဇ္ဈိမကိုပြောသည်။
“NLDကလက်နက်ကိုင်အကြမ်းဖက်မှုလည်းမလုပ်ကိုင်ဘူး။ပြီးတော့ဒီမိုကရေစီနဲ့လူ့အခွင့်အရေးထွန်းကား စေရေးအတွက်လုပ်တယ်။တိုင်းရင်းသားတွေရဲ့အခွင့်အရေးတွေတိုးတက်ဖွံ့ဖြိုးအောင်လုပ်နေတဲ့ အဖွဲ့အစည်းမျိုးဟာရှိသင့်တဲ့အဖွဲ့အစည်း ဖြစ်တယ်။အဲဒါကိုကုလသမဂ္ဂကလည်းဒီကိစ္စအပေါ်မှာ လက်ခံရမယ့် အနေအထားဖြစ်ပါတယ်” ဟု သူက ဆက်ပြောသည်။
NLDကဲ့သို့ပင်တင်ပြခဲ့သောတောင်အာဖရိကနှင့်အာဖရိကနိုင်ငံများသို့လူ့အခွင့်အရေးကောင်စီကဝင် ရောက်ဖြေရှင်းပေးခဲ့ဖူးကြောင်းဦးဥာဏ်ဝင်းကလည်းပြောသည်။
ဝေဖန်သူများကကုလသမဂ္ဂထံမြန်မာစစ်အစိုးရများလူ့အခွင့်အရေးချိုးဖောက်မှုဆိုင်ရာကိစ္စရပ်များ တင်ပြလာခဲ့သည်မှာနှစ်၂ဝခန့် ရှိပြီဖြစ်သော်လည်းတိုးတက်မှုမရှိခြင်းကိုထောက်ပြကြသည်။





Geen opmerkingen: