မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

maandag 4 juli 2011

လစာတိုးသည်ကိုပင်စင်စားများကျေနပ်

သဲသဲ တနင်္လာနေ့၊ ဇူလိုင်လ ၀၄ ရက် ၂၀၁၁ ခုနှစ် ၁၄ နာရီ ၀၀ မိနစ် .
နယူးဒေလီ(မဇ္ဈိမ)။ ။အစိုးရသစ်တက်လာပြီးရက်၁ဝဝအတွင်းပင်စင်လစာတိုးမြှင့်ပေးလိုက်ခြင်းသည် လစာငွေရာဂဏန်း၊ထောင်ဂဏန်းမျှသာခံစားနေရသည့်အငြိမ်းစားဝန်ထမ်းများအတွက် ကျေနပ်ဖွယ်ဖြစ်သည်ဟု ပင်စင်စားများက ပြောသည်။
“ကျနော့်အရှေ့ကအနားယူသွားတဲ့ဆရာကြီးတွေရဲ့ပင်စင်လစာဆိုရင်ဒီကနေ့ခေတ်နဲ့ဘယ်လိုမှသုံးလို့မရဘူးလေ။ သူတို့တွေကကျနော်တို့ဌာနအတွက်တကယ်လုပ်ပေးသွားတဲ့သူတွေပါ၊ဒီလိုတိုးပေးတာအလွန်ဖြစ်သင့်တဲ့အလုပ်မို့ ဝမ်းမြောက်ကြိုဆိုပါတယ်”ဟုမိုးလေဝသနှင့်ဇလဗေဒညွှန်ကြားရေးမှူးချုပ်ဟောင်းဒေါက်တာထွန်းလွင် (အငြိမ်းစား)ကမဇ္ဈိမကိုပြောသည်။
ဒေါက်တာထွန်းလွင်သည်၂ဝဝ၉ခုနှစ်အသက်၆၂နှစ်တွင်မိုး/ဇလညွှန်ကြားရေးမှူးချုပ်ရာထူးမှအငြိမ်းစား ယူခဲ့သည်။
          ရန်ကုန်ရှိပင်စင်ဦးစီးဌာနတွင်လာရောက်စုံစမ်းမှုများပြုလုပ်နေကြသူများကိုတွေ့ရစဉ်(ဓါတ်ပုံ မဇ္ဈိမ)
၁၉၈၈စက်တင်ဘာကစစ်တပ်အာဏာသိမ်းပြီးနောက်ဝန်ထမ်းများ၏လစာကို၁၉၈၉၊၁၉၉၃၊၂၀၀၀၊၂၀၀၆ နှင့်၂ဝ၁ဝခုနှစ်များ၌၆ ကြိမ်လစာတိုးပေးခဲ့သည်။နောက်ဆုံးတိုးပေးခဲ့သည့်မှာ၂ဝ၁ဝ ဇန်နဝါရီတွင်ဖြစ်ပြီး ဝန်ထမ်းတိုင်း၏လစာကိုကျပ်၂သောင်းစီထပ်မံတိုးမြှင့်မှုဖြစ်သော်လည်းပင်စင်စားများလစာကိုမူ မတိုးမြှင့်ဘဲ ထားခဲ့သည်။
“ကျနော့်လစာ၃၅ဝရတယ်။တပ်ကြပ်ကြီးရာထူးနဲ့၁၉၈၆ခုနှစ်ကနေစစ်သက်၂၃နှစ်မှာပင်စင်ယူတယ်။၉ခုနှစ် နောက်ပိုင်းကနေပင်စင်နဲ့စားလို့မလောက်တော့လို့ကြုံရာဝင်လုပ်ပြီးရပ်တည်ခဲ့ရတာ”ဟု၆၇နှစ်အရွယ် အငြိမ်းစား တပ်ကြပ်ကြီးတဦးက မဇ္ဈိမကို ပြောသည်။
မူလတန်းကျောင်းအုပ်ရာထူးဖြင့်၂ဝဝ၆ခုနှစ်မတိုင်မီဆေးပင်စင်ယူခဲ့သူကျောင်းအုပ်ဆရာမတဦးက“လစာ ၇၅ဝဝကနေပင်စင်ယူတာဆိုတော့၂ဝဝဝလောက်ပဲရတာ၊ကိုယ့်ကလေးကိုယ်ကျောင်းထားဖို့တောင် မလောက်ဘူး။ တိုးတယ်ဆိုတော့ ပျော်ပါတယ်” ဟု ဆိုသည်။
အစိုးရသစ်ကဇွန်လ၃ဝရက်နေ့စွဲဖြင့်အငြိမ်းစားအစိုးရဝန်ထမ်း၏ပင်စင်လစာကိုတာဝန်ထမ်းဆောင်ဆဲ အစိုးရဝန်ထမ်းများ၏လစာနှုန်းထားဖြင့်ပြန်လည်တွက်ချက်သတ်မှတ်ကာဇူလိုင်လမှစ၍တိုးမြှင့် ခံစားခွင့်ပေးမည်ဟုကြေညာခဲ့သည်။
၂ဝ၁ဝဇန်နဝါရီမတိုင်မီအငြိမ်းစားယူခဲ့သည့်ပင်စင်စားအားလုံးအကျုံးဝင်ပြီး၊၂ဝဝ၆ဧပြီမတိုင်မီ ပင်စင်ယူခဲ့သည့်နိုင်ငံရေးပင်စင်စားများလည်း လစာတိုးမြှင့်ပေးမည်ဟု ဆိုထားသည်။
ရန်ကုန်မြို့ပင်စင်ဦးစီးဌာနကမဇ္ဈိမကိုတယ်လီဖုန်းဖြင့်ဖြေကြားရာ၌ပင်စင်စားများအနေဖြင့် မိမိတိုးမြှင့်ခံစားရမည့်လစာနှုန်းထားများသိရှိရန်သက်ဆိုင်ရာမိခင်ဌာန၊အဖွဲ့အစည်းများသို့ဆက်သွယ်ပြီး လျှောက်လွှာ ပုံစံဖြည့်ပြီးနောက် တိုးမြှင့်လစာ မည်မျှရရှိကြောင်း တွက်ချက်ပေးမည်ဟု ဆိုသည်။
“အရင်ဆုံးမိခင်ဌာနကိုဆက်သွယ်ပြီးအဲဒီမှာလျှောက်လွှာတွေဖြည့်ပြီးယူခဲ့ရင်ဒီကဘယ်လိုတိုးတယ်ဆိုတာ တွက်ပေးမှာပါ”ဟုရန်ကုန်မြို့ကျောက်တံတားမြို့နယ်ရှိအစိုးရဘဏ်၂ရှိပင်စင်ဦးစီးဌာနက ဖြေကြားခဲ့သည်။
လုပ်သက်နှစ်၃ဝရှိအစိုးရဝန်ထမ်းများသည်လုပ်သက်ပြည့်ပင်စင်၊အသက်၆ဝနှစ်အထိ တာဝန်ထမ်းဆောင်ခဲ့လျှင်သက်ပြည့်ပင်စင်၊ကျန်းမာရေးချွတ်ယွင်းမှုကြောင်းခိုင်လုံလျှင်ဆေးပင်စင်တို့ ခံစားခွင့် ရှိသည်။
၂ဝ၁၁မတ်လလွှတ်တော်အစည်းအဝေး၌ရှမ်းပြည်နယ်နမ့်ခမ်းမဲဆန္ဒနယ်ပြည်သူ့လွှတ်တော်အမတ် ဒေါက်တာစိုင်းကျော်အုန်း၏နိုင်ငံ့ဝန်ထမ်းများနှင့်ယခင်ပင်စင်စားများ၏လစာနှုန်းထားများတိုးပေးရန် အစီအစဉ်ရှိမရှိမေးမြန်းမှုကိုသင့်တော်သည့်အချိန်တွင်ဆောင်ရွက်ပေးမည်ဖြစ်ဟုဘဏ္ဍရေးနှင့် အခွန်ဝန်ကြီး ဦးလှထွန်းကဖြေကြားခဲ့သည်။
ယခုလိုပင်စင်လစာငွေတိုးမြှင့်ပေးခြင်းသည်အငြိမ်းစားဝန်ထမ်းများအတွက်တစုံတရာအထောက်အကူဖြစ်သော်လည်း၊ ပိုလျှံစေနိုင်သည့် ပမာဏမဟုတ်ဟု စီးပွားရေး ပညာရှင် ဦးခင်မောင်ညို (ဘောဂဗေဒ) က သုံးသပ်သည်။



Geen opmerkingen: