တက်လူ/ ၅ ဧပြီ ၂ဝ၁ဝ
ရန်ကုန်ရောက်ရခိုင်ပြည်သူပြည်သားများ၏သင်္ကြန်ပွဲကိုရန်ကုန်မြို့မင်္ဂလာတောင်ညွန့်မြို့နယ် သိမ်ဖြူယာဉ်မောင်းကွင်းတွင်စည်ကားစွာပြုလုပ်သွားမည်ဟုရခိုင်စာပေနှင့်ယဉ်ကျေးမှုအဖွဲ့(ရန်ကုန်)က သိရသည်။
ရခိုင်ရိုးရာသင်္ကြန်အားရှေးမူမပျက်ရခိုင်မျိုးဆက်သစ်များကဆက်လက်ထိန်းသိမ်းနိုင်စေရန်ရည်ရွယ်၍ ရန်ကုန်တွင်၂၀၀၄ခုနှစ်ကတည်းကကျင်းပနေခြင်းဖြစ်ကြောင်းအဆိုပါအဖွဲ့မှတာဝန်ရှိသူဦးသန်းမောင်က ပြောသည်။
ရခိုင်ပြည်နယ်ရှိမြို့နယ်ပေါင်း(၁၇)မြို့နယ်တွင်မြို့နယ်အားလုံးကိုယ်စားပြုမဏ္ဍပ်များမပါဝင်နိုင်သော်လည်း မြို့နယ်ကိုယ်စားပြုမဏ္ဍပ်ပေါင်း(၁၄)ခုပါဝင်မည်ဖြစ်ကြောင်း၊ယမန်နှစ်ကမဏ္ဍပ်ပေါင်း(၁၁)ခုပါဝင်ခဲ့ကြကြောင်း သိရသည်။
“ဒီနှစ်မှာတော့မဏ္ဍပ်ကလည်းပိုပြီးတော့များလာတယ်။မြို့တော်ဝန်မဏ္ဍပ်မှာလည်းယိမ်းအဖွဲ့ကသွားရောက် ပါဝင်ယှဉ်ပြိုင်မယ်။ပြီးတော့ရိုးရာအစားအစာရောင်းတဲ့ဆိုင်တွေကိုလည်းရောင်းချပေးသွားမယ်။ နာမည်ကြီး ရခိုင်အဆိုတော်တွေနဲ့သရုပ်ဆောင်တွေလည်းပါဝင်ကြမယ်ဆိုတော့အရင်နှစ်ကထက်ပိုပြီးတော့ စည်ကားမှာသေချာပါတယ်။နေ့စဉ်လူဦးရေ(၁)သောင်းခန့်ထိပါဝင်ရေကစားနိုင်အောင်လုပ်သွားမယ်”ဟု အဆိုပါတာဝန်ရှိသူက ပြောသည်။
ရိုးရာအစဉ်လာအတိုင်းရခိုင်သင်္ကြန်ပွဲတော်ကိုဧပြီလ(၁၂)ရက်ညနေပိုင်းတွင်နံ့သာသွေးပွဲ ဦးစွာပြုလုပ်မည်ဖြစ်ပြီးဧပြီလ(၁၃)ရက်တွင်နံ့သာရေများဖြင့်ဘုရားရေသပ္ပယ်ပူဇော်ကန်တော့ကာ သင်္ကြန်ကိုရခိုင်ရိုးရာအကပဒေသာများဖြင့်ဖွင့်လှစ်မည်ဖြစ်ကြောင်း သိရသည်။
“သင်္ကြန်ပွဲမှာတော့ရခိုင်လေးဝတီတေးဂီတအဖွဲ့နှင့်အတူရခိုင်တိုင်းရင်းသားသရုပ်ဆောင်တွေဖြစ်တဲ့ ဘုန်းလျှံတို့၊ ရိုတတို့လည်း ပါဝင်ဖျော်ဖြေလိမ့်မယ်။ ဒီနှစ်မှာ မနှစ်ကထက် ရေကစားသူတွေ များလိမ့်မယ်လို့ မျှော်လင့်ရပါတယ်။မနှစ်ကတော့တနေ့ကိုလူ(၅,၀၀၀)အထက်လာပြီးတော့ ကစားကြပါတယ်”ဟု ရခိုင်ရိုးရာသင်္ကြန်ဖြစ်မြောက်ရေးအဖွဲ့မှတာဝန်ရှိသူ တဦးက ပြောသည်။
သင်္ကြန်ပွဲကျင်းပမည့်သိမ်ဖြူကွင်းတွင်အလျား(၅၀)ပေနှင့်အနံ(၂၅)ပေအကျယ်ရှိရေကစားမဏ္ဍပ်များကို ဆောက်လုပ်နေပြီဖြစ်ပြီးမဏ္ဍပ်တွင်းရခိုင်ရိုးရာရေပက်မည့်ပေ(၄၀)အရှည်ရှိလောင်းလှေများကိုလည်း ဆောက်လုပ်နေပြီဖြစ်သည်။
မနှစ်က ရခိုင်သင်္ကြန်သို့ သွားရောက်ခဲ့သည့် မြန်မာလူငယ်တဦးက “၀င်ကြေးက (၅၀၀) ကျပ်ပဲရှိတယ်လေ။ ရေပက်တဲ့အခါမှာလည်းငွေ(၂,၀၀၀)ကျပ်လောက်ပါရင်ရပြီဆိုတော့ရေပက်ကစားမယ့် သူတွေအတွက်တော့အဆင်ပြေတယ်။ပြီးတော့ရခိုင်ရိုးရာရေပက်တာကတခြားလူမျိုးတွေအတွက် အတွေ့အကြုံသစ်တခုကို ရစေတယ်” ဟု ပြောသည်။
လက်ရှိရန်ကုန်မြို့အခြေအနေမှာမီးပျက်ရေပျက်ဖြစ်နေသည့်အတွက်သင်္ကြန်တွင်စည်ကားနိုင်ရန်မှာ ရေရရှိမှုအပေါ်မူတည်သည်ဟု မြို့ခံတဦးက ပြောသည်။
ယခုနှစ်သင်္ကြန်အတွက် ရေပေးဝေရေးအစီအစဉ်ကို(၂၄)နာရီ ရေပေးဝေမည့်မြို့နယ်၊နံနက်ပိုင်း ပေးဝေမည့်မြို့နယ်နှင့်တနေ့လျှင်(၂)ကြိမ်ပေးဝေမည့်မြို့နယ်ဟူ၍အုပ်စု(၃)ခုခွဲကာပေးဝေမည်ဖြစ်ပြီး ယင်းမြို့နယ်များကို စာရင်းထုတ်ပြန် ပေးသွားမည်ဟု ရန်ကုန်စည်ပင်မှ အရာထမ်းတဦးက ပြောသည်။
ရန်ကုန်မြို့ခံများကမူ စည်ပင်နဲ့ ရယကတို့က တနေ့နှင့်တနေ့၊ နေ့နှင့်ညပင်လျှင် မတူအောင် ဥပဒေအမျိုးမျိုး စည်းကမ်းအမျိုးမျိုး ထုတ်ပြန်လေ့ရှိသဖြင့် ယခုလောလောဆယ် အရေးကြီးသည်မှာ ပြည်သူများ ရေမှန်မှန်ရရှိရေးပင်ဖြစ်ကြောင်း ပြောဆိုနေကြသည်။
Geen opmerkingen:
Een reactie posten